Main Engin

Main Engine

  

Main Engine ဆိုတာ သင်္ဘောကြီးကို မောင်းနှင်တဲ့ အဓိက စက်ကြီးပါ။ သူ့ကို ကားအင်ဂျင်တွေမှာလို ဓတ်ဆီတို့ Octane တို့နဲ့သာ မောင်းရရင် Owner မွဲပြီးသေသွားနိုင်လို့ များသောအားဖြင့် Diesel နဲ့မောင်းကြပါတယ်။ ဒါတောင် တွက်ခြေမကိုက်လို့ဆိုပြီး F.O လို့ခေါ်တဲ့ Fuel Oil နဲ့ပဲ မောင်းနှင်လာကြပါတယ်။ မြေကြီးထဲကထုတ်လို့ရလာတဲ့ ရေနံ(crude oil) ကို ချက်(distill)လိုက်ရင် Diesel ဆိုပြီးရလာပါတယ်။ Diesel ရပြီး တျန်တဲ့ အကြွင်းအကျန်(Residue) ကို Fuel Oil ဆိုပြီး Main Engine တွေမှာ သုံးကြပါတယ်။

          မီးလောင်ပေါက်ကွဲဖို့ အဓိကသုံးခုရှိပါတယ်။ လောင်စာ(fuel)၊ Oxygen(Air)၊ အပူ(heat) သုံးမျိုးစုံမှ မီးလောင်ပေါက်ကွဲပါတယ်။ ကားတွေမှာသုံးတဲ့ ဓတ်ဆီအင်ဂျင်တွေမှာ Cylinder ထဲကို ဆီနဲ့လေ တပြိုင်နက်ပန်းထည့်ပြီး spark plug က မီးပွင့်တော့ ထပေါက်ပါတယ်။ ဓတ်ဆီရဲ့ မီးလောင်ဖို့လိုအပ်တဲ့ အပူချိန်(flammable limit) ကနိမ့်တော့ သူ့အတွက် အပူသိပ်မလိုဘူး။ ဒါပေမယ့် Diesel အင်ဂျင်တွေမှာက မီးလောင်ပေါက်ကွဲဖို့ လိုအပ်တဲ့ အပူချိ်န်က မြင့်တယ်။ အဲဒီတော့ Cylinder ထဲကို လေသွင်းပြီး လေကိုညှစ်ခိုင်းလိုက်တယ်။ လေက အညှစ်ခံရတော့ အပူချိန်တက်လာပြီး ဆီပန်းထည့်လိုက်တော့ ထပေါက်တယ်။

          အဲဒီတော့ အင်ဂျင်ထဲမှာ မီးလောင်ပေါက်ကွဲဖို့နေရာ(cylinder liner)လိုမယ်။ လေကိုဖိညှစ်ဖို့အတွက် Piston လိုမယ်။ လေသွင်းဖို့အတွက် လေဝင်ပေါက်(Inlet)၊ မီးလောင်ပေါက်ကွဲပြီးတဲ့ မီးခိုးတွေထုတ်ဖို့ လေထွက်ပေါက်(Outlet or Exhaust)လိုမယ်။

Cylinder liner ထဲမှာ မီးလောင်ပေါက်ကွဲတော့ အား(pressure)တစ်ခုဖြစ်ပေါ်လာတယ်။ Cylinder ထဲမှာက moving part ဆိုလို့ piston တစ်ခုပဲရှိတော့ သူ့အပေါ်ကိုပဲ အားသက်ရောက်သွားတယ်။ Piston က အတွန်းခံရတော့ အောက်ဆင်းသွားတယ်။ ပြီးတော့ သူနဲ့ဆက်နေတဲ့ crankshaft ကို လှည့်လိုက်တယ်။ တစ်ခါ မီးလောင်ပေါက်ကွဲတိုင်း piston က အောက်ကိုတစ်ခါဆင်းတယ်။ crankshaft ကိုတစ်ခါလှည့်တယ်။ အဲဒါကို power stroke လို့ခေါ်တယ်။

          Diesel engine မှာက မီးလောင်ပေါက်ကွဲဖို့ကို လေသွင်း(Inlet or scavenge stroke)၊ လေညှစ်(compression stroke)၊ power stroke နဲ့ မီးခိုးထုတ်တဲ့(exhaust stroke) ဆိုပြီး လေးမျိုးရှိတယ်။ အဲဒီတော့ တစ်ချို့အင်ဂျင်တွေက လေသွင်းဖို့နဲ့ မီးခိုးထုတ်ဖို့ကို piston ကအောက်ကိုတစ်ခါ ဆင်းပေးရတယ်။ ပြီးမှ ပြန်တက်လာပြီး လေညှစ်တယ်။ ဆီပန်းတော့ ပေါက်ကွဲတယ်။ ပြီးတော့ လေသွင်းဖို့ တစ်ခါအောက်ပြန်ဆင်းရတယ်။ အဲဒီတော့ crankshaft နှစ်ပတ်လည်မှ သူက power တစ်ခါပဲရတယ်။ အဲဒီ အင်ဂျင်မျိုးကို 4 stroke engine လို့ခေါ်ကြတယ်။

          တစ်ချို့အင်ဂျင်တွေကြတော့ piston အောက်ဆင်းတဲ့အချိန် လေသွင်းရင်းနဲ့ မီးခိုးထုတ်လိုက်တယ်။ ပြီးတော့မှ အပေါ်ပြန်တက်ပြီး လေညှစ်တယ်။ ဆီပန်းတော့ မီးလောင်ပေါက်ကွဲ(combustion)တယ်။ ပြီးတော့ ပြန်ဆင်းတယ် လေပြန်သွင်းရင်း မီးခိုးတွေထုတ်လိုက်တယ်။ ပြန်တက်ပြီး လေပြန်ညှစ်တယ်။ combustion ပြန်ဖြစ်တယ်။ အဲဒီလို အင်ဂျင်မျိုးကျတော့ crankshaft တစ်ပတ်လည်တိုင်းမှာ power တစ်ခါရတယ်။ အဲဒီတော့ သူ့ကို 2 stroke engine လို့ ခေါ်ကြတယ်။

          လေကိုညှစ်ပြီးဆီပန်းထည့်ကာ combustion ဖြစ်စေတဲ့ Engine ကို Compression Ignition or CI Engine လို့ခေါ်ပြီး ဆီနဲ့လေအရောကိုသွင်းပြီးမှ Spark Plug ကမီးပွင့်စေကာ combustion ဖြစ်စေတဲ့အင်ဂျင်မျုိုးကို Spark Ignition Engine လို့ခေါ်တယ်။ အဲဒီလို လေညှစ်ဆီပန်း ဒါမှမဟုတ် ဆီလေအရောသွင်းပြီး spark plug ကနေ မီးပွင့်စေပြီး combustion ဖြစ်စေတဲ့ အင်ဂျင်တွေကို cylinder အတွင်းမှာ combustion ဖြစ်တဲ့အတွက် အတွင်းပေါက်ကွဲအင်ဂျင် (Internal Combustion or IC Engine)ဆိုပြီးခေါ်ကြတယ်။ Internal Combustion Engine ဆိုတော့ External Combustion Engine ဆိုပြီး မရှိဘူးလားဆိုတော့ ရှိတယ်လို့ပြောရမယ်။ Boiler လို့ခေါ်တဲ့ ရေနွေးအိုးလို အရာကြီးတစ်ခုရှိတယ်။ သူက အပေါ်မှာ ရေတစ်ဝက်လောက်ဖြေ့ထားပြီး အောက်မှာ မီးရှို့ဖို့နေရာရှိတယ်။ အောက်ကနေမီးရှိ့လိုက်တော့ ရေတွေကဆူလာပြီး ရေနွေးငွေ့(Steam)တွေ ထွက်လာတယ်။ အဲဒီ Steam တွေကိုမှ Turbine လို့ခေါ်တဲ့ ဒလက်တွေကို လှည့်ခိုင်းလိုက်တော့ အင်ဂျင်တွေလည်သလို သူလည်းလိုက်လည်တယ်။ ဟိုးရှေးတုန်းက ရေနွေးငွေ့သင်္ဘောတွေက အဲဒီလိုသုံးပြီး သင်္ဘောသွားအောင် လုပ်ကြတာ။

          အင်ဂျင်တွေမှာ တစ်မိနစ်လည်ပတ်တဲ့နှုန်း(Revolution Per Minute or RPM)ပေါ်မူတည်ပြီး 300 RPM အောက်ကို Slow Speed Engine၊ 300 ကနေ 1000 RPM ထိကို Medium Speed Engine၊ 1000 RPM နဲ့အထက်ကို High Speed Engine ဆိုပြီးခေါ်ကြတယ်။ ပင်လယ်ကူးကုန်တင်သင်္ဘောကြီးတွေကတော့ Main Engine အဖြစ် Slow Speed Engine ကိုအသုံးများပါတယ်။  သင်္ဘောပေါ်မှာ လိုအပ်တဲ့ လျှပ်စစ်ဓတ်အားထုတ်ပေးဖို့မီးစက်တွေကိုတော့ Medium Speed Engine တွေကိုသုံးပါတယ်။ High Speed Engine တွေကိုတော့ မော်တော်ကားတို့ လေယဉ်ပျံတို့မှာသာ အသုံးများပါတယ်။

          သင်္ဘောကြီးတွေကဘာဖြစ်လို့ Slow Speed Engine ကိုပဲသုံးကြတာလဲ။ အင်ဂျင်မြန်မြန်လည်တော့ ပန်ကာမြန်မြန်လည်ပြီး သင်္ဘောမြန်မြန်မသွားဘူးလားလို့ မေးစရာရှိလာပါတယ်။ ရေထဲမှာသင်္ဘောတစ်စီး ရှေ့ကို ဒါမှမဟုတ် နောက်ကိုသွားတယ်ဆိုတာ Newton’s Law အရပါ။ သက်ရောက်မှု့တိုင်းမှာ တန်ပြန်သက်ရောက်မှု့ရှိတယ်ဆိုတဲ့ သဘောတရားပါ။ ပန်ကာက ရှေ့ကရေကိုယူပြီး နောက်ကိုတွန်းတယ်။ အဲဒီတော့ နောက်ကရေက ပန်ကာကို ပြန်တွန်းတယ်။ ပန်ကာက crankshaft နဲ့ဆက်ထားတယ်။ Crankshaft က အင်ဂျင်ထဲမှာ ထိုင်ထားတယ်။ အင်ဂျင်က သင်္ဘောထဲမှာ ထိုင်ထားတာဆိုတော့ သင်္ဘောကရှေ့ကို ရွေ့သွားတယ်။ ပန်ကာက အရမ်းလည်ရင် ရေကိုမတွန်းနိုင်တော့ဘဲ ဘေးကိုပဲပန်းထုတ်သလိုဖြစ်သွားတယ်။ အဲဒီတော့ ရေကပြန်မတွန်းနိုင်တော့လို့ သင်္ဘောက မရွေ့တော့ဘူး။ ဒါကြောင့် ပန်ကာလည်နှုန်းကို သူ့ရဲ့ သတ်မှတ်ချက်(Torque Limit) ထဲမှာပဲ ထားရတယ်။

ြ်ု