အင်ဂျင် Department မှ သဘောင်္စလိုက်မည့်သူများအတွက် Engine Room အကြောင်း(၂)

အင်ဂျင်ခန်းမှသင်္ဘောစလိုက်မည်ဆိုလျှင် ပထမဆုံး Engine Cadet သို့မဟုတ် Wiper အနေနှင့်စလုပ်ရမှာ ဖြစ်ပါတယ်။ထိုမှတဆင့် လုပ်သက်ရလာရင် Oiler ရာထူးနဲ့ လုပ်နိုင်ပြီး သတ်မှတ်ထားတဲ့ လုပ်သက်ရလာရင်တော့Engineer စာမေးပွဲ အဆင့်ဆင့်ကို ဝင်ရောက်ဖြေဆိုနိုင်ပါတယ်။

          Wiper သို့မဟုတ် Cadet ဘဝနဲ့ သင်္ဘောစလိုက်သူများကိုအင်ဂျင်အကြောင်း၊ ပင်လယ်အကြောင်း ဘာမှမသိသေးသူများဟု အင်ဂျင်နီယာများက နားလည်ပြီးသားပါ။ဒါကြောင့် သူတို့စက်ပစ္စည်း ပြုပြင်ထိန်းသိမ်းတဲ့(maintenance) လုပ်ငန်းတွေ၊ လည်ပတ်မောင်းနှင်တဲ့အချိန်(operation)တွေမှာ ဝင်ရောက်လုပ်ကိုင်စေချင်းမရှိပဲ မြင်ဘူးစေရန်သာ ကြည့်ရှု့စေပါတယ်။ စက်ပစ္စည်းတွေဖြုတ်တပ်ပြင်ဆင်တဲ့ အခါမှာတော့ အကူအညီပေးသူ(helper) အဖြစ်လုပ်စေပြီး လေ့လာခိုင်းပါတယ်။အဓိက ကတော့ သူတို့ဟာ First Engineer သို့မဟုတ် Second Engineer ရဲ့ ညွန်ကြားမှု့(supervision)နဲ့ အလုပ်လုပ်ရပါတယ်။ သူ့ရဲ့နောက်မှာ အမြဲလိုက်ပါရပြီး သင်ကြားမှု့တွေကို လေ့လာမှတ်သားရပါတယ်။

                Wiper ဘဝနဲ့ (၁)နှစ်လုပ်ကိုင်ပြီးရင်တော့E.E.R (Efficient Engine Room Rating) လို့ခေါ်တဲ့ Engine Room Watchkeeping သင်တန်းကိုတက်ရောက်ပြီးရင်Oiler အဖြစ်ဝင်ရောက်လုပ်ကိုင်နိုင်ပါတယ်။ Oiler ရဲ့ တာဝန်ကတော့ သက်ဆိုင်ရာ E.RWatch မှာ Duty Engineer ရဲ့ လက်ထောက်(Assistant)အဖြစ်လုပ်ကိုင်ရတာပါ။ အဲဒီလိုလုပ်ရင်းနဲ့ Engineer ကသူတို့ရဲ့ ရာထူးအလိုက် ဘာတာဝန်တွေယူရတယ်၊ဘယ်စက်ပစ္စည်းတွေကို တာဝန်ယူထိန်းသိမ်းရတယ်၊ Watch အလိုက်ဘာတွေ လုပ်ဆောင်ရတယ်ဆိုတာတွေကိုလေ့လာရပါတယ်။ အဲဒီလိုလေ့လာပြီး သတ်မှတ်ထားတဲ့ လုပ်သက်ရလာရင် Engineer စာမေးပွဲတွေကိုဝင်ရောက်ဖြေဆိုနိုင်ပါတယ်။